Людмила чешская

Мученица Людмила Чешская, княгиня

Кондак 1

Избранная Богом от иновернаго языческаго рода чешскаго, призванная в язык свят, служительнице новая благодати, святая всехвальная мученице Христова Людмило, во страдании твоем мученический венец нетленный приявшая от руки Вседержителя и со Ангелы ныне предстоящая Его Престолу, песньми восхваляем тя любовию, угоднице Христова, и молим ти ся: молитвами твоими от вечных мук, бед и скорбей свобождай ны, зовущия:

Радуйся, блаженная княгине Людмило, святая мученице и молитвеннице о душах наших.

Икос 1

Ангелов сожительница и человеков заступница воистину явилася еси, мученице Людмило достохвальная, благоволением всех Творца, Христа Бога, Егоже возлюбила еси и за Негоже пострадала еси даже до смерти во исповедании непоколебимем; темже приими от нас сия хваления:

Радуйся, скорби многия за имя Господне приявшая;

радуйся, венцем исповедническим от Бога украшенная.

Радуйся, мучеников совсельнице;

радуйся, веры христианския небоязненная проповеднице.

Радуйся, яко тленное богатство свое раздавала еси нищим;

радуйся, за неже нетленное обретшая на Небеси.

Радуйся, душу свою Христа ради погубившая, во еже спасти ю;

радуйся, аки светило, во тьме нечестия преславно возсиявшая.

Радуйся, блаженная княгине Людмило, святая мученице и молитвеннице о душах наших.

Кондак 2

Видя Христос Господь душу твою, ко приятию семене Слова Божия чистотою и милостынею предуготовленную, светом познания Своего просвети ю, блаженная Людмило, и спасаемых части сотвори тя общницу в Небеснем Царствии, идеже со Ангелы поеши Пресвятей Троице песнь: Аллилуия.

Икос 2

Разум богопросвещенный даровася тебе, святая мученице Людмило, имже ясно проразумела еси тщету душепагубную зловерия невестки твоея, хотящия тя погубити. Ты же, ведящи сие, удалилася еси во град Тетин, укрытися спасения ради души твоея, Христа же взыскати потщалася еси вседушне. Темже взываем ти:

Радуйся, блаженная последовательнице Христова;

радуйся, любительнице заповедей Его преискренняя.

Радуйся, всемогущую силу благодати Христовы познавшая;

радуйся, лютаго демонскаго рабства избегшая.

Радуйся, богатство земное ни во чтоже вменившая;

радуйся, от юности идолослужение презревшая.

Радуйся, руками убогих сокровища твоя горе предпославшая;

радуйся, идолослужительныя люди к Истинному Богу призвавшая.

Радуйся, блаженная княгине Людмило, святая мученице и молитвеннице о душах наших.

Кондак 3

Сила благодати Божия осени тя, блаженная Людмило, егда приясте Святое Крещение с супругом твоим Боривоем (Борживоем), князем чешским, во Имя Отца и Сына и Святаго Духа. Таяже сила Божия осени тя ко благочестию и научи тя славити Единаго Бога и воспевати Ему: Аллилуия.

Икос 3

Имущи неоскудное милосердие ко всякому человеку, но более к присным, святая блаженная княгине Людмило, в страсе Божием воспитывающи чада твоя, явилася еси добрая прамати внука твоего, святаго князя Вячеслава, воспитавши его во благочестии; помози и нам, мученице Христова, прейти сие земное поприще во благом делании, да величаем тя звании сими:

Радуйся, блаженная мати Людмило, мученице Христова;

радуйся, понесшая вдовство твое благочестно и преславно.

Радуйся, по смерти князя, супруга твоего, воли Божией предавшаяся;

радуйся, яко и нам помощница являешися в скорбех наших.

Радуйся, в нуждах наших обращатися к Богу нас научающая;

радуйся, внука твоего, святаго князя Вячеслава, в истинах веры воспитавшая.

Радуйся, яко и той прият мученическую кончину, якоже и ты, прамати его;

радуйся, яко вам за сие уготовано сокровище вечных благ.

Радуйся, блаженная княгине Людмило, святая мученице и молитвеннице о душах наших.

Кондак 4

Бурею одержима помышлений злобных, нечестивая невестка твоя смятеся зело, видевши тя верную рабу Христову, в вере и благочестии просвещающую страну Чешскую, низлагающую идольския храмы и созидающую христианския, во еже славословити Трисвятое Имя Божие и пети хвалебную песнь Тому: Аллилуия.

Икос 4

Слышавши от святаго равноапостольнаго Мефодия, архиепископа Моравскаго, слово о чистоте, посте, молитве и о всех добродетелех, христианом подобающих, прияла еси в сердце свое, и за сия добродетели возлюби тя Господь и даде ти крепость и силу. Темже и нас научи, блаженная Людмило, заповеди Господни исполняти и тебе величати:

Радуйся, усердная слушательнице словес Божественных;

радуйся, ревностная исполнительнице закона Христова.

Радуйся, ниву сердца твоего очистившая от терния душевредных страстей;

радуйся, оросившая ю слезами покаяния.

Радуйся, во вдовстве чистоту непорочно сохранившая;

радуйся, воздержанием, молитвою и мученическим подвигом Богу угодившая.

Радуйся, страданием сочетавшаяся Христу;

радуйся, избавляющая от бед и скорбей веру и любовь к тебе имущих.

Радуйся, блаженная княгине Людмило, святая мученице и молитвеннице о душах наших.

Кондак 5

Боготечная звезда явилася еси, святая княгине мученице Людмило, егда боготканною одеждею святаго Крещения облекшися и нетленною пищею Пречистаго Тела и Крове Христовы духовно укрепльшися, прилепилася еси всем сердцем твоим ко Единому Иисусу; темже вся страна Чешская, просвещенная тобою, едиными усты поет Богу: Аллилуия.

Икос 5

Видевши, святая блаженная княгине Людмило, вся люди земли Чешския во тьме идолослужения погруженныя, усердно потщалася еси просветити тех светом Христовы веры, подвизающися в созидании храмов Божиих и в укреплении веры православныя в стране чешстей; мы же воспеваем и величаем тя тако:

Радуйся, мудрыми глаголы поучавшая люди оставити тьму языческаго нечестия;

радуйся, от Бога токмо, а не от человек, утешение в скорбех искати нас научающая.

Радуйся, внука твоего Вячеслава научившая покланятися Единому и Истинному Богу;

радуйся, яко тем сестра являешися равноапостольней Ользе, княгине Российстей.

Радуйся, ум твой выну горе имевшая;

радуйся, сердце твое жилище Святаго Духа соделавшая.

Радуйся, Христу Богу Человеколюбцу всю себя предавшая;

радуйся, первая от земли Чешския к лику святых причтенная.

Радуйся, блаженная княгине Людмило, святая мученице и молитвеннице о душах наших.

Кондак 6

Проповедником духоносным, апостолом, подражавши, блаженная Людмило, славная княгине, твоими слезными молитвами оросила и облагоухала еси вся грады и веси близлежащия града Праги, приводящи, елико ти мощно, люди к вере Христовой и научающи их воспевати Единому, в Троице славимому Богу: Аллилуия.

Икос 6

В граде Праге и была еси мати милосердная возлюбленным чадом Церкве Православныя, досточудная угоднице Христова, блаженная Людмило, сердце бо твое на прошения и нужды приходящих к тебе милостиво открывала еси. Приими и нас, добрая мати, с любовию к тебе прибегающих и вопиющих сице:

Радуйся, яко сиротам была еси мати и вдовицам питательница;

радуйся, яко нищим была еси милостивая подательница и обидимых благая защитница.

Радуйся, со князем, супругом твоим, во благочестии пожившая;

радуйся, чада твоя в страсе Божием воспитавшая.

Радуйся, яко благая отрасль твоя, святый князь Вячеслав, восприят мученическую кончину;

радуйся, яко и той с праматерию своею вселися в царствие Небесное.

Радуйся, за всех христиан пред Престолом Божиим верная молитвеннице;

радуйся, ищущим пути ко спасению наставнице благодатная.

Радуйся, блаженная княгине Людмило, святая мученице и молитвеннице о душах наших.

Кондак 7

Коль многими бисеры и камением драгоценным украшен есть венец, паче солнца сияяй, егоже дарова ти Господь, святая блаженная княгине Людмило, ибо подвигом добрым во исповедании веры подвизалася еси и образ святаго жития нам явила еси; сего ради прибегаем под кров твой, ищуще спасения, и благодарно о тебе вопием Богу: Аллилуия.

Икос 7

Новое изобрете безчеловечие злочестивая невестка твоя Драгомира, бегущей тебе во град Тетин, укрытися хотящей от оныя, святая благоверная Людмило. Та бо, наученная сатанинскою силою, погубити душу твою возжелавши позорною смертию, посла вслед ти двух злочестивых боляр, предати тя на лютая страдания, аки агницу Христову, зависти ради. Тии же собраша множество нечестиваго народа, взломаша двери дворца княжескаго и позорней смерти удавлением предаша непорочное тело твое. Мы же, воспоминающе страшную смерть твою, вопием ти сицевая:

Радуйся, блаженная Людмило, от злых боляр вервием удавленная по выи твоей;

радуйся, таковым образом угодившая Богу, пострадавшая мученически.

Радуйся, Господу душу предавшая в субботу, во едином часе нощи;

радуйся, имевшая от рождения твоего шестьдесят и едино лето, Господем к мучению уготованная.

Радуйся, яко тобою дивен Бог во святых Своих является;

радуйся, яко мощи твоя прослави Господь нетлением благодатно.

Радуйся, градов чешских и словацких похвало и утверждение;

радуйся, всем носящим имя твое скорая помощнице и молитвеннице.

Радуйся, блаженная княгине Людмило, святая мученице и молитвеннице о душах наших.

Кондак 8

Не может укрытися град, верху горы стояй, тако, святая мученице Людмило, по кончине твоей прослави Господь мощи твоя и место погребения твоего, еже под градскою стеною града Тетина. Мы же тя, угодницу Божию, просим: буди нам ходатаица ко Господу о прощении грехов наших, да и мы, вкупе с тобою, Великому и Чудному Богу воспоим: Аллилуия.

Икос 8

Вся была еси объята неизреченною радостию, блаженная мати Людмило, зрящи крещаемыя люди твоя, повелением Ангелов, и во умилении воздала еси хвалу Спасителю Богу, усердно моливши Его, да призрит на обратившияся люди Своя, да утвердит их в вере и благочестии и да прославит Имя Свое в стране чешстей. Мы же, воспоминающе убо прерадостное событие сие, приносим ти благодарственныя и похвальныя песни:

Радуйся, неоскудеваяй источниче милостей к народу сему;

радуйся, духовная наша мати, испросившая у Бога просвещение праотцем нашим.

Радуйся, явлением на тебе силы Божия христианы возрадовавшая;

радуйся, именем Всесильнаго Господа вся идолы в стране Чешстей сокрушившая.

Радуйся, мученице Христова предобрая;

радуйся, молитвеннице пред Богом чудная.

Радуйся, яко демонов коварствие упразднися по молитвам твоим;

радуйся, победы венец от руки Христа Жизнодавца приемшая.

Радуйся, блаженная княгине Людмило, святая мученице и молитвеннице о душах наших.

Кондак 9

Во вся концы земли Чешския и за ея пределы прославися великоименитое имя твое, преблагостная мученице мати Людмило! Имела бо еси духа премудрости, яко мудрыми словесы безумных яве обуяла еси, и духа страха Божия, яко деяньми богоугодными душу очистила еси. Темже, представши Престолу Вышняго с сонмом Ангелов, купно воспеваеши Ему: Аллилуия.

Икос 9

Ветии многовещаннии не могут достойно изобразити величие благодеяний твоих, святая мученице Людмило, стране Чешстей и иным странам идолопоклонства, идеже водворила еси Божественную веру, избавляющи люди от мрака языческаго и вечныя погибели, открывающи им путь ко спасению. Сего ради со благодарением благочестно поем ти:

Радуйся, к свету Православия душу свою обратившая;

радуйся, многия в духовнем разуме просветившая.

Радуйся, яко сердце твое на прошения и нужды приходящих к тебе открывала еси;

радуйся, яко странники и нищия питала еси.

Радуйся, яко с верою покланяемся честней иконе твоей;

радуйся, яко, чтуще память твою, восхваляем Господа.

Радуйся, страданием твоим церковь Христову украсившая;

радуйся, яко, взирающе на страдания твоя, вернии прославляют Имя Вышняго.

Радуйся, блаженная княгине Людмило, святая мученице и молитвеннице о душах наших.

Кондак 10

Спастися всем преискренне желающи, молишися за ны горе у Престола Господня, избраннице Христова, блаженная Людмило, и твоими молитвами пособствуеши нам в странствовании многотруднем земнаго жития, еже сподоби ны в покаянии и благочестии скончати, яко облече тя Господь Божественною силою, да обратиши вся неверныя и научиши всех со умилением сердец воспевати Творцу Богу: Аллилуия.

Икос 10

Стена явилася еси стране твоей несокрушимая, богомудрая Людмило, и необоримая защитница всем призывающим тя, зане тако благоволи о тебе Небеси и земли Творец Господь, прославляя угодницу Свою, яко при гробнице твоей совершашася знамения и чудеса, и изыде молва по всей стране, и понуди князя Вячеслава торжественно пренести нетленное тело твое из града Тетина во град Прагу, в сооруженную отцем его церковь святаго великомученика Георгия. Мы же из глубины сердца со воздыханием к Богу глаголем ти песни таковыя:

Радуйся, молитвенница наша пред Богом теплая;

радуйся, изыде бо по всей стране вещание о чудесех твоих.

Радуйся, яко некий слепец прозре, егда прикоснуся земли с могилы твоея;

радуйся, яко внук твой со славою пренесе честное тело твое.

Радуйся, прославленная Богом на Небеси и на земли;

радуйся, яко успение твое торжествует Церковь Православная.

Радуйся, явлением мощей твоих младенческую Церковь Чешскую возвеселившая;

радуйся, мученице Христова, и в земли Российстей и Сербстей зело почитаемая.

Радуйся, блаженная княгине Людмило, святая мученице и молитвеннице о душах наших.

Кондак 11

Пение умиленное приносим ти, угоднице Божия, и смиренно молим тя: моли о нас Единаго Человеколюбца Бога, да не отвратит от нас Лица Своего и дарует нам по молитве твоей, святая мученице Людмило, прощение многих наших согрешений. Мы же, прославляюще Бога о тебе, вопием: Аллилуия.

Икос 11

Светоносным Троическим сиянием горе осиянная, святая мученице Людмило, озари сердца наша, тьмою греховною покровенная, да елеем благих дел возжегше угасшия светильники наша, сподобимся внити в брачный чертог Христов, идеже ты веселишися и слышиши сия от нас благохваления:

Радуйся, предстоящи ныне Агнцу Божию в лице мученичестем;

радуйся, яко и по преставлении твоем с нами пребываеши.

Радуйся, луно, просвещенная от незаходимаго Солнца Правды;

радуйся, путеводительнице, правую стезю к вечному спасению нам показующая.

Радуйся, яко Христос по мучении твоем в чертог Свой тя всели;

радуйся, яко, тебе последующе, и мы царство Небесное обрящем.

Радуйся, особливая покровительнице Чешскаго и Словацкаго народа православнаго;

радуйся, о нас, сродных ти людех, присная пред Богом молитвеннице.

Радуйся, блаженная княгине Людмило, святая мученице и молитвеннице о душах наших.

Кондак 12

Благодать Пресвятаго Духа испроси нам, угоднице Христова, святая мученице Людмило, от Всещедраго Бога и Спаса нашего, вразумляющую и укрепляющую нас в деле спасения, да не бесплодно будет в нас всеянное тобою семя святыя веры, но да прозябнет и плод достоен сотворит, имже препитаем души наша до будущия жизни и со всеми святыми воспоем Богу песнь: Аллилуия.

Икос 12

Поюще твое преставление, ублажаем мученическую кончину и почитаем память твою, святая мученице мати Людмило, многомощная заступнице земли Чешския, Словацкия и Сербския, буди же и о российских людех благая молитвенница ко Господу, да вопием ти:

Радуйся, благодатию Святаго Духа одеянная;

радуйся, представшая Живущему во свете неприступнем.

Радуйся, вдовицам правило богоугоднаго жития;

радуйся, теплая ходатаице, всем православным от Бога дарованная.

Радуйся, соучастнице на Небеси жребия праведников веры Христовы;

радуйся, со святыми Божиими Трисвятую песнь воспевати сподобльшаяся.

Радуйся, от Господа всех благ нам, молящимся ти, подательнице;

радуйся, яко всем православным христианом, тя молитвенно призывающим, на помощь скоро притекаеши.

Радуйся, блаженная княгине Людмило, святая мученице и молитвеннице о душах наших.

Кондак 13

О, святая мученице и верная угоднице Христова Людмило! Малое сие песнословие от нас приемлющи, моли милостиваго Бога нашего, да вселится и возблагоухает в сердцах наших святыня Православныя веры, да умножится в житии нашем елей дел благих, да не угаснут светильницы наши в полунощный час сретения Небеснаго Жениха и да сподобимся купно с тобою выну воспевати Ему в вечнем царствии: Аллилуия.

(Этот кондак читается трижды, затем икос 1 и кондак 1)

Молитва

О, святая угоднице Христова, мученице княгине Людмило, первоугоднице Чешския страны и стольнаго града Праги украшение, теплая о нас пред Богом молитвеннице! Се мы, многогрешнии, смиренно припадающе, молим тя: не попусти нам погибнути в тине грехов наших, но вознеси о нас моление ко Господу, да помилует нас и дарует нам покаяние. О, преблагая мати Людмило! Не забуди посещати чад твоих, аще бо и преставилася еси от нас в Небесныя обители, вкупе со внуком твоим, святым мучеником Вячеславом. Темже, святая прамати его, испроси и нам, грешным, Божие благословение на чада наша и на всех нас, да и мы, многогрешнии, возблагодарим Господа за подаяние Его благодати и купно с тобою да прославим Отца и Сына и Святаго Духа и твое великое заступление о нас во веки веков. Аминь.

Мученица Людмила Петрова

Му­че­ни­ца Люд­ми­ла Вла­ди­ми­ров­на Пет­ро­ва ро­ди­лась 26 фев­ра­ля 1879 го­да в Ро­сто­ве в се­мье тю­рем­но­го над­зи­ра­те­ля. Всю жизнь она про­ра­бо­та­ла учи­тель­ни­цей ру­ко­де­лия, а в 1924 го­ду вы­шла на пен­сию. 15 но­яб­ря 1930 го­да Люд­ми­лу Вла­ди­ми­ров­ну аре­сто­ва­ли и об­ви­ни­ли в том, что она «член а-с цер­ков­но-мо­нар­хи­че­ской груп­пы, под­дер­жи­ва­ла лич­ные свя­зи с идео­ло­га­ми к-р ор­га­ни­за­ции мит­ро­по­ли­том Иоси­фом (Пет­ро­вых) и ар­хи­епи­ско­пом Ев­ге­ни­ем. Ру­ко­во­ди­ла неле­галь­ным сбо­ром средств на це­ли груп­пы и ссыл­ки». 30 ап­ре­ля 1931 го­да кол­ле­гия ОГПУ СССР при­го­во­ри­ла ее к 3 го­дам ссыл­ки в «Сев­край», по­сле че­го бу­ду­щая му­че­ни­ца бы­ла пе­ре­прав­ле­на в го­род Кот­лас Ар­хан­гель­ской об­ла­сти. По окон­ча­нии сро­ка ссыл­ки Люд­ми­ла Вла­ди­ми­ров­на вер­ну­лась в Ро­стов.
В 1936 го­ду она бы­ла сно­ва аре­сто­ва­на. При аре­сте она об­ви­ня­лась в том, что пе­ре­пи­сы­ва­лась с ссыль­ным мит­ро­по­ли­том Иоси­фом, ока­зы­ва­ла ему ма­те­ри­аль­ную по­мощь. Осо­бое Со­ве­ща­ние при НКВД СССР при­го­во­ри­ло му­че­ни­цу к 3 го­дам ссыл­ки в Ка­зах­стан, где со­дер­жа­лась в ис­пра­ви­тель­но-тру­до­вом ла­ге­ре НКВД.
На­хо­дясь в Ка­зах­стане, в го­ро­де Мер­кент, Люд­ми­ла Вла­ди­ми­ров­на сно­ва под­верг­лась аре­сту по груп­по­во­му де­лу «ар­хи­епи­ско­па Алек­сия (Ор­ло­ва) и др.». Про­тив нее сно­ва бы­ло вы­дви­ну­то об­ви­не­ние, в ко­то­ром ос­нов­ную роль иг­ра­ла «при­над­леж­ность к контр­ре­во­лю­ци­о­оной груп­пе цер­ков­ни­ков в Юж­но-Ка­зах­стан­ской об­ла­сти». На след­ствии она ви­нов­ной се­бя не при­зна­ла и за­яви­ла, что «ан­ти­со­вет­ской де­я­тель­но­стью не за­ни­ма­лась».
28 ав­гу­ста 1937 го­да трой­ка при УНКВД по Юж­но-Ка­зах­стан­ской об­ла­сти при­го­во­ри­ла Люд­ми­лу Вла­ди­ми­ров­ну Пет­ро­ву к выс­шей ме­ре на­ка­за­ния. 27 сен­тяб­ря 1937 го­да она бы­ла рас­стре­ля­на в Ли­сьей бал­ке неда­ле­ко от го­ро­да Чим­кен­та.

Святая мученица Людмила считается первой покровительницей Чехии. К рангу святых она была причислена за свое праведное житие и мученическую смерть.

Житие святой Людмилы

Дочь сербского князя, родившаяся в 860 году, Людмила получила прекрасное образование, что было необычно для женщин того времени, говорила на нескольких языках, включая греческий и латынь. Еще будучи юной, она сочеталась браком с чешским князем Борживоя и уехала на свою новую родину – Чехию. Благодаря этому браку произошло объединение нескольких племен на территории современной Чехии.

Супруги, как и почти весь народ, были язычниками, однако знакомство с Мефодием, великим славянским просветителем и создателем славянской письменности, побудило их принять христианство (в 882 году). Ими был возведен первый в стране христианский храм, получивший название в честь св. Климента; они всячески способствовали распространению истинной веры в своем государстве.

Людмила рано овдовела – ей было всего 29 лет, когда скончался ее супруг, оставив ее с 6 детьми, четырьмя дочерями и двумя сыновьями, из которых старший тоже умер довольно рано. Править страной стал младший сын Братислав, но фактически все бразды правления оказались в руках Людмилы, и правление ее считали мудрым благодаря ее христианскому милосердию, которое особенно проявлялось в деле помощи нуждающимся, обездоленным и больным.

Князь Братислав женился на Драгомире, девушке заносчивой, с непомерной гордыней, но что особенно важно – язычницей в душе. У них родилось два сына, совершенно не похожих друг на друга. Старший, Вячеслав, походил на своего отца-христианина, а младший – на свою нечестивую мать. Поскольку наследником был старший сын, то воспитание Вячеслава князь возложил на свою праведную мать Людмилу, а младшего оставил Драгомире.

В 921 году скончался сын Людмилы, князь Братислав, и на престол взошел Вячеслав, но поскольку он был несовершеннолетним, то чешский сейм назначил регентшей при нем Драгомиру. Тут-то она и выказала свое истинное лицо, пытаясь восстановить языческие порядки в своей земле. Людмила недвусмысленно выразила невестке недовольство, но поскольку у нее не было никакой власти, ей пришлось удалиться в Тетин, где она продолжала заниматься благотворительностью и много молилась.

Убийство св. Людмилы

Ночью в ее покои ворвались убийцы. Людмила все поняла и лишь просила убить ее мечом, чтобы, как и другие мученики, пролить свою кровь за Христа. Однако убийцам было известно, что пролитие крови означает признание убитого христианским мучеником, и потому задушили Людмилу, как предполагается, ее же повоем (вуалью), который стал ее неизменным атрибутом и изображается на каждой иконе Святой Людмилы.

Похоронили ее под городской стеной Тетина не по христианским обычаям, но Господь пометил это место – еженощно над ним появлялись горящие свечи и стали происходить чудесные исцеления. Когда до Вячеслава, внука Людмилы, дошли эти вести, он перенес ее прах в базилику св. Йиржи в Праге, а затем, после возведения храма в честь св. Витта, в этот храм.

Хотя почитание мученицы Людмилы постоянно росло, церкви понадобилось более полутора веков для ее канонизации. Затем день ее памяти стал отмечаться в качестве церковного праздника, и появились иконы «Мученица Людмила, княгиня чешская». Почитается она и Русской Православной Церковью: ее имя значится в святцах, во многих храмах есть икона «Людмила чешская». На иконе она всегда изображается с головой, покрытой повоем (вуалью), которым ее по преданию задушили, и в княжеском венце.

О чем молятся иконе святой Людмил и от чего она защищает

Икона святой обязательно должна быть у каждой женщины, носящей это имя, ведь она станет ее покровительницей. Вообще же св. Людмила, помимо своей родины Чехии, покровительствует бабушкам, матерям, педагогам и воспитателям, что вполне объясняется ее житием. Лучший подарок девочке, девушке, женщине этого имени — икона именная «Людмила».

Молятся иконе, святой мученицы, с просьбой уберечь от злых умыслов и семейного разлада, о благополучии и здоровье детей и внуков, о преодолении житейских неурядиц и, конечно же, о крепости в вере. Молитвы, которые можно произносить перед иконой «Людмила — святая мученица», должны идти от чистого сердца; молиться можно и своими словами.

День памяти св. Людмилы — 29 сентября, это же и день именин (день ангела) всех Людмил.

Молитва святой мученице княгине Людмиле

О, Святая угоднице Христова, мученице княгиня Людмило, Первоугоднице чешския страны и стольнаго града Праги украшение, теплая о нас пред Богом молитвеннице, се, мы, многогрешнии, смиренно припадая, молим тя, не попусти нам погибнути в тине грехов наших, но вознеси о нас моление.

О, Преблагая мати Людмило, не забуди присещати чад твоих, аще бо и преставилася еси от нас в небесныя обители. Вкупе ж и со Святым мучеником и внуком твоим Вячеславом, егда подрасте отрок Вячеслав, отец его, твой же сын, по обычаю того времени испроси Епископа и иереев со всем причтом церковным призвать на него благоловение Божие. Епископ, отслужив в Церкви Пресвятыя Богородицы и постави отрока на ступени храма, и благослови его тако: «Господи Боже Иисусе Христе, благослови сего отрока, яко же благословил еси праведных Твоих, Авраама, Исаака и Иакова, и венчай его, яко же венчал еси правоверных царей, равноапостольных Константина и Елену».

Тако же и ты, святая праматерь его, испроси и нам, грешным, Божие благословение на чада наша, и на всех нас, да и мы многогрешнии, возблагодарим Господа за подаяние Его благодати. Да купно с тобою прославим Отца и Сына и Святаго Духа и твое великое заступление о нас во веки веков. Аминь.

Закладка Постоянная ссылка.

Добавить комментарий

Ваш адрес email не будет опубликован. Обязательные поля помечены *