Акафист похвала Пресвятой Богородице

Значение и история иконы Похвала Пресвятой Богородицы

Икона Похвала Пресвятой Богородицы является иконографическим прославлением Пречистой Девы. В соответствии с пророчествами Ветхого Завета она стала матерью Богочеловека Иисуса Христа. А для всех христиан – Великой Скоропомощницей, Заступницей.

Празднование Похвалы Пресвятой Богородицы

Ежегодно по субботам на пятой неделе (седьмице) Великого поста Церковь, весь православный люд отмечают праздник, именуемый Суббо́та Ака́фиста, или Похвала Пресвятой Богородицы. В храмах исполняется неседальное (выполняемое с особым почитанием, стоя) восславление пением образа Матери Господа Царицы Небесной.

Традиция такого почитания была установлена в IX веке. Верующие славили Матерь Божию, благодарили ее за заступничество, избавление Константинополя от многочисленных вражеских нападений:

  • 626 год – аварских завоевателей,
  • 677 год – персов,
  • 717 год – арабов.

История донесла до наших дней сказание о победе греков над врагами, напавшими на Константинополь. Исследователи не пришли к единому мнению, определяя дату этого события – примерно с VI по IX век. Скорее всего, описанный случай является нападением 626 года аваров на Царьград.

Воспользовавшись тем, что император Ираклий с войском отбыл в поход на персов, авары взяли Константинополь в осаду. Неприятельский флот вплотную подошел к берегам столицы. Казалось, горожане обречены. Понимая, что у них слишком мало сил для отражения врага, жители Константинополя обратились с молитвами к святым христианским заступникам: Господу Богу и Пресвятой Богородице. Патриарх Сергий вынес из храма Влахернскую икону Божьей Матери (другой вариант – Ризу Богоматери).

Люди собрались вместе, крестным ходом со святынями обошли родной город. Подойдя к берегу Босфора, возглавлявший процессию патриарх, продолжая молиться, опустил Ризу Пречистой Заступницы в воду. Спокойная и тихая до того времени стихия вдруг стала меняться. Поднялся сильный ветер, разбудил грозную бурю. Огромные волны скрыли вражеские корабли в глубинах залива. Старинная фреска (1644 год) храма Ризоположения, что в Московском кремле, образно показывает, как именно с помощью иконы Богоматери и святой Ризы происходило чудо, которое уберегло Константинополь.

История спасения города отразилась в написанном вскорости кондаке «Взбранной Воеводе». Данный текст изначально стал составной частью первого акафиста (церковного гимна), чествующего Матерь Божию (Одигитрию). Хвалебную песнь впервые прочитали христиане ночью после чудесного избавления города от вражеских кораблей. Так традиция празднования благодарственной Похвалы Пресвятой Богородицы началась во Влахернском храме Константинополя, месте хранения и поклонения чудотворной Влахернской иконе Богоматери (принадлежащей, по преданию, руке евангелиста Луки), а также предметов, которыми пользовалась Богородица при жизни на земле (Пояс и Риза).

Со временем регулярность празднований закрепили внесением в специальный набор правил, регламентирующих богослужения (Студийский устав). Позже чествование вписали в церковные книги, что сделало его общим торжеством для всех христиан, принадлежащих к Восточной церкви. Формирование канона праздника Похвалы Божией Матери было сделано Иосифом Студитом (IX век).

Каноны изображения икон похвалы Пресвятой Богородицы

Образы Похвалы Пресвятой Богородицы появились позже. На сегодняшний день в России самой древней иконой Похвалы Пречистой считается икона «Похвала Богоматери с Акафистом». Это хранимый московским Успенским собором образ, который создан греческим иконописцем приблизительно во второй половине XIV века. Каноном для иконописи этого типа стали слова патриарха Германа Константинопольского о пророчествах, предсказывающих появление чистой земной Девы. Она воплотит в себе: «стамну, жезл, скрижаль, кивот, свещник, трапезу, гору несекомую, златую кадильницу и скинию, дверь непроходимую, палату, и лествицу, и престол Царев».

Основываясь на этих строках, в композиции иконы вокруг изображения Богоматери должны присутствовать 25 ветхозаветных пророков, которые держат в руках книги или свитки с пророчествами, а также определённые символические предметы:

  • Иаков – лестницу, которая соединяет Землю с Небесами;
  • Моисей – Неопалимую Купину,
  • Валаам – звезду (символизирующую приход Мессии);
  • Гедеон – руно (прообраз Благовещения);
  • Иезекииль – врата (затворенные врата – символ Пречистой);
  • Иеремия – скрижали;
  • Исаия – клещи и угли (означающие очищение);
  • Иессей и Аарон – процветшие жезлы (символизирующие Богородицу);
  • Давид и Соломон – уменьшенный Иерусалимский Храм;
  • Аввакум и Даниил – горы (знак царства).

Иконографы придерживались канонических требований, но часто, вносили в изображение что-то отличное, как правило, вкладывая определенное значение. Похвальные иконы Божией Матери отражают местные, исторические моменты, актуальные для времени и места написания.

Так, например, икона Похвала Пресвятой Божией Матери (Киевская) восхваляет Царицу Небесную, изображая Ее восседающей на престоле с Младенцем Иисусом на руках в окружении архангелов, святых покровителей города. В нижней части композиции коленопреклоненные святые старцы держат в руках православный храм, увенчанный золотыми куполами.

На еще одной благодарственной иконе Богоматери Царица Небесная и Христос находятся в центре изображения, они обрамлены переплетающимися цветущими ветвями. Слева от Богоматери стоят: первосвященник Захария, рядом пророки Елисей, Малахия, Иаков, Аввакум, Моисей, Самуил, Илья, Давид, Исайя, Гедеон. Справа: пророки Иессей, Иезекииль, Соломон, Софония, Аггей, Аарон, Михей, Захария, Иона, Наум, Иоиль, Даниил. Они не окружают Богородицу, а расставлены плотными горизонтальными рядами.

Не все из пророков, которых изображали на похвальных образах, пророчествовали о Богоявлении. Это значит, что первоначальная трактовка сюжета была изменена. На представленной иконе собраны святые одного чина. Большая часть пророков, кроме Соломона, Давида, Моисея, предстоят перед Богородицей без предписанных символических атрибутов Боговоплощения. Данная тема дополнительно развивается в трех фрагментах верхней части образа. По центру – склоняющийся Бог Отец с голубем, который есть Святой Дух. С расположенным ниже благословляющим Младенцем Христом они составляют Святую Троицу. Справа представлен сюжет «Собор Архангелов», а слева изображено «Отечество».

Чудеса, творимые образами Похвала Богородицы

Христианская чудотворная икона Похвалы Пресвятой Богородицы обитает на Афоне в соборном храме Дионисиатской обители. Ее относят к одной из 70 древних икон, которые написал евангелист Лука. Изображение выполнено не красками, а восковой мастикой, поэтому со временем черты образа размылись. Именно перед этим святым ликом был впервые совершен акафист Пресвятой Богородицы.

С этой иконой связано множество чудесных случаев. Она была похищена пиратами (1592), но заставила нечестивцев вернуть святыню, раскаяться и принять монашеский постриг. В другой раз образ помог исцелиться от страшной опухоли руководителю Афонской академии Евгению Вулгарису. Он сам сделал подробное описание удивительного выздоровления (1758 год).

Православная Церковь высоко ценит величественный образ Божией Матери. Слава о силе молитвы к ней вдохновляет христиан. Неудивительно, что Спаситель являет множество чудес через иконы Пречистой Девы и Заступницы. Чудотворным образам Богородицы молятся, благодарят за помощь, восхваляют ее величие во все времена.

Русская история имеет многочисленные свидетельства, заступничества и помощи Богоматери православным воинам, защищающим родную землю от нашествия недругов. В день празднования Похвалы молитвы к Царице Небесной всегда помогают, так как обретают особую силу. Святой русский князь Александр Невский вписал славную страницу в историю страны – разбил немецких рыцарей на Чудском озере. Летописи подтверждают факт, что день сражения (5 апреля 1242 года была суббота) – праздник Похвалы Матери Божией.

Празднование Похвалы Пресвятой Богородицы начинается с утрени. В храме торжественно читается в четыре приема весь акафист. Каждый прием служители церкви выходят на средину храма через Царские Врата. По другому обычаю – акафист читают по очереди у каждой почитаемой иконы Богородицы, которые есть в данном храме. Это радостный, добрый праздник, который напоминает прихожанам, что повседневные житейские обиды, неприятности – всего лишь суета, по сравнению с Его милостью, Небесным Царствием.

Московский Богоявленский кафедральный собор имеет особенную благочестивую традицию – каждый год на празднование Похвалы Пречистой Девы прихожанам для поклонения выносят чудотворную богородичную икону Божьей Матери Умиление. Это славный образ, перед которым коленопреклоненно молился батюшка Серафим в келье. А император-страстотерпец России Николай II почитал и прислушивался к преподобному Серафиму, одарил чудотворный образ Царицы Небесной драгоценным золотым окладом, выполненным знаменитым Фаберже. В тяжелые для Русской Православной Церкви годы святыня тайно и бережно сохранилась верующими.

Похвала Пресвятой Богородицы (Суббота Акафиста)

Канон молебный ко Пресвятей Богородице в Субботу Акафиста, глас 2

Песнь 1

Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.

Многими содержимь напастьми, к Тебе прибегаю, спасение иский: о Мати Слова и Дево, от тяжких и лютых мя спаси.

Страстей мя смущают прилози, многаго уныния исполнити мою душу; умири, Отроковице, тишиною Сына и Бога Твоего, Всенепорочная.

Спаса рождшую Тя и Бога, молю, Дево, избавитися ми лютых: к Тебе бо ныне прибегая, простираю и душу и помышление.

Недугующа телом и душею посещения Божественнаго и промышления от Тебе сподоби, едина Богомати, яко благая, Благаго же Родительница.

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Предстательство и покров жизни моея полагаю Тя, Богородительнице Дево: Ты мя окорми ко пристанищу Твоему, благих виновна, верных утверждение, едина Всепетая.

Молю, Дево, душевное смущение и печали моея бурю разорити: Ты бо, Богоневестная, начальника тишины Христа родила еси, едина Пречистая.

Благодетеля рождши добрых виновнаго, благодеяния богатство всем источи, вся бо можеши, яко сильнаго в крепости Христа рождши, Богоблаженная.

Лютыми недуги и болезненными страстьми истязаему, Дево, Ты ми помози: исцелений бо неоскудное Тя знаю сокровище, Пренепорочная, неиждиваемое.

Тропарь, глас 2

Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, едина вскоре предстательствующая.

Песнь 4

Ирмос: Услышах, Господи смотрения Твоего таинство, разумех дела Твоя и прославих Твое Божество.

Страстей моих смущение, кормчию рождшая Господа, и бурю утиши моих прегрешений, Богоневестная.

Милосердия Твоего бездну призывающу подаждь ми, Яже Благосердаго рождшая и Спаса всех, поющих Тя.

Наслаждающеся, Пречистая, Твоих дарований, благодарственное воспеваем пение, ведуще Тя Богоматерь.

На одре болезни моея и немощи низлежащу ми, яко благолюбива, помози, Богородице, едина Приснодево.

Надежду и утверждение и спасения стену недвижиму имуще Тя, Всепетая, неудобства всякаго избавляемся.

Песнь 5

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Исполни, Чистая, веселия сердце мое, Твою нетленную дающи радость, веселия рождшая виновнаго.

Избави нас от бед, Богородице Чистая, вечное рождши избавление и мир, всяк ум преимущий.

Разреши мглу прегрешений моих, Богоневесто, просвещением Твоея светлости, Свет рождшая Божественный и превечный.

Исцели, Чистая, души моея неможение, посещения Твоего сподобльшая, и здравие молитвами Твоими подаждь ми.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Смерти и тли яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов злодействия мя избавити.

Предстательницу Тя живота вем и хранительницу тверду, Дево, и напастей решащу молвы, и налоги бесов отгоняющу и молюся всегда, от тли страстей моих избавити мя.

Яко стену прибежища стяжахом, и душ всесовершенное спасение, и пространство в скорбех, Отроковице, и просвещением Твоим присно радуемся; о Владычице, и ныне нас от страстей и бед спаси.

На одре ныне немощствуяй лежу, и несть исцеления плоти моей; но, Бога и Спаса миру и Избавителя недугов рождшая, Тебе молюся, Благой: от тли недуг возстави мя.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Ин кондак, глас 6

Не имамы иныя помощи, не имамы иныя надежды, разве Тебе, Владычице, ты нам помози; на Тебе надеемся и Тобою хвалимся, Твои бо есмы раби, да не постыдимся.

Стихира, глас 6

Не ввери мя человеческому предстательству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну окаянный, всегда побеждаемь и утешения не имам, разве Тебе, Владычице мира, упование и предстательство верных, не презри моление мое, полезно сотвори.

Песнь 7

Ирмос: От Иудеи дошедше отроцы, в Вавилоне иногда верою Троическою пламень пещный попраша, поюще: отцев Боже, благословен еси.

Наше спасение якоже восхотел еси, Спасе, устроити, во утробу Девыя вселился еси, Юже миру предстательницу показал еси: отец наших Боже, благословен еси.

Волителя милости, Егоже родила еси, Мати Чистая, умоли избавитися от прегрешений и душевных скверн верою зовущим: отец наших Боже, благословен еси.

Сокровище спасения и источник нетления Тя рождшую, и столп утверждения, и дверь покаяния зовущим показал еси: отец наших Боже, благословен еси.

Телесныя слабости и душевныя недуги, Богородительнице, любовию приступающих к крову Твоему, Дево, исцелити сподоби, Спаса Христа нам рождшая.

Песнь 8

Ирмос: Царя Небеснаго, Егоже поют вои ангельстии, хвалите и превозносите во вся веки.

Помощи яже от Тебе требующия не презри, Дево, поющия и превозносящия Тя во веки.

Неможение души моея исцеляеши и телесныя болезни, Дево, да Тя прославлю, Чистая, во веки.

Исцелений богатство изливаеши верно поющим Тя, Дево, и превозносящим неизреченное Твое рождество.

Напастей Ты прилоги отгоняеши и страстей находы, Дево: темже Тя поем во вся веки.

Песнь 9

Ирмос: Воистину Богородицу Тя исповедуем, спасеннии Тобою, Дево Чистая, с безплотными лики Тя величающе.

Тока слез моих не отвратися, Яже от всякаго лица всяку слезу отъемшаго, Дево, Христа рождшая.

Радости мое сердце исполни, Дево, Яже радости приемшая исполнение, греховную печаль потребляющи.

Пристанище и предстательство к Тебе прибегающих буди, Дево, и стена нерушимая, прибежище же и покров, и веселие.

Света Твоего зарями просвети, Дево, мрак неведения отгоняющи, благоверно Богородицу Тя исповедающих.

На месте озлобления немощи смирившагося, Дево, исцели, из нездравия во здравие претворяющи.

Стихиры, глас 2

Высшую небес и чистшую светлостей солнечных, избавльшую нас от клятвы Владычицу мира песньми почтим.

От многих моих грехов немощствует тело, немощствует и душа моя; к Тебе прибегаю, Благодатней, надеждо ненадежных, Ты ми помози.

Владычице и Мати Избавителя, приими моление недостойных раб Твоих, да ходатайствуеши к Рождшемуся от Тебе; о Владычице мира, буди Ходатаица!

Поем прилежно Тебе песнь ныне, Всепетой Богородице, радостно: со Предтечею и всеми святыми моли, Богородице, еже ущедрити ны.

Вся Ангелов воинства, Предтече Господень, апостолов двоенадесятице, святии вси с Богородицею, сотворите молитву, во еже спастися нам.

Молитва первая

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми, яко немощну, окорми мя, яко странна. Обиду мою веси, разреши ту, яко волиши: яко не имам иныя помощи, разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Молитва вторая

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, надеждо христиан и прибежище нам грешным? Кто паче Тебе в напастех защитит? Услыши убо стенание мое и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене грешнаго. Вразуми и научи мя, Царице Небесная; не отступи от мене, раба Твоего, Владычице, за роптание мое, но буди мне Мати и заступница. Вручаю себе милостивому покрову Твоему: приведи мя грешнаго к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О, Владычице Царице Небесная! Ты мне упование и прибежище, покров и заступление и помощь. Царице моя преблагая и скорая заступнице! Покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О, Мати Господа моего Творца! Ты еси корень девства и неувядаемый цвет чистоты. О, Богородительнице! Ты подаждь ми помощь, немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о пренепорочная и преславная Божия Мати Марие. Темже со упованием глаголю и вопию: радуйся, благодатная, радуйся, обрадованная; радуйся, преблагословенная, Господь с Тобою.

Акафист Пресвятой Богородице. Похвала Пресвятой Богородицы.

Взбранной Воеводе победительная, яко избавльшеся от злых, благодарственная восписуем Те раби Твои, Богородице; но, яко имущая державу непобедимую, от всяких нас бед свободи, да зовем Ти:

Радуйся, Невесто Неневестная.

Ангел предстатель с Небесе послан бысть рещи Богородице: радуйся, и со безплотным гласом, воплощаема Тя зря, Господи, ужасашеся и стояше, зовый к Ней таковая:

Радуйся, Еюже радость возсияет; радуйся, Еюже клятва изчезнет.

Радуйся, падшаго Адама воззвание; радуйся, слез Евиных избавление.

Радуйся, высото неудобовосходимая человеческими помыслы; радуйся, глубино неудобозримая и ангельскима очима.

Радуйся, яко еси Царево седалище; радуйся, яко носиши Носящаго вся.

Радуйся, Звездо, являющая Солнце; радуйся, утробо Божественнаго воплощения.

Радуйся, Еюже обновляется тварь; радуйся, Еюже покланяемся Творцу.

Радуйся, Невесто Неневестная.

Ведящи Святая Себе в чистоте, глаголет Гавриилу дерзостно: преславное твоего гласа неудобоприятельно души Моей является; безсеменнаго бо зачатия рождество како глаголеши, зовый: Аллилуиа.

Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице:

Радуйся, совета неизреченнаго Таиннице; радуйся, молчания просящих веро.

Радуйся, чудес Христовых начало; радуйся, велений Его главизно.

Радуйся, лествице небесная, Еюже сниде Бог; радуйся, мосте, преводяй сущих от земли на Небо.

Радуйся, Ангелов многословущее чудо; радуйся, бесов многоплачевное поражение.

Радуйся, Свет неизреченно родившая; радуйся, еже како, ни единаго же научившая.

Радуйся, премудрых превосходящая разум; радуйся, верных озаряющая смыслы.

Радуйся, Невесто Неневестная.

Сила Вышняго осени тогда к зачатию Браконеискусную, и благоплодная Тоя ложесна, яко село показа сладкое, всем хотящим жати спасение, внегда пети сице: Аллилуиа.

Имущи Богоприятную Дева утробу, востече ко Елисавети; младенец же оноя абие познав Сея целование, радовашеся, и играньми, яко песньми, вопияше к Богородице:

Радуйся, Отрасли неувядаемыя розго; радуйся, Плода безсмертнаго стяжание.

Радуйся, Делателя делающая, Человеколюбца; радуйся, Садителя жизни нашея рождшая.

Радуйся, ниво, растящая гобзование щедрот; радуйся, трапезо, носящая обилие очищения.

Радуйся, яко рай пищный процветаеши; радуйся, яко пристанище душам готовиши.

Радуйся, приятное молитвы кадило; радуйся, всего мира очищение.

Радуйся, Божие к смертным благоволение; радуйся, смертных к Богу дерзновение.

Радуйся, Невесто Неневестная.

Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.

Слышаша пастырие Ангелов, поющих плотское Христово пришествие, и, текше яко к Пастырю, видят Сего, яко агнца непорочна, во чреве Мариине упасшася, Юже поюще реша:

Радуйся, Агнца и Пастыря Мати; радуйся, дворе словесных овец.

Радуйся, невидимых врагов мучение; радуйся, райских дверей отверзение.

Радуйся, яко небесная срадуются земным; радуйся, яко земная сликовствуют небесным.

Радуйся, апостолов немолчная уста; радуйся, страстотерпцев непобедимая дерзосте.

Радуйся, твердое веры утверждение; радуйся, светлое благодати познание.

Радуйся, Еюже обнажися ад; радуйся, Еюже облекохомся славою.

Радуйся, Невесто Неневестная.

Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.

Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему и возопити Благословенней:

Радуйся, Звезды незаходимыя Мати; радуйся, заре таинственнаго Дне.

Радуйся, прелести пещь угасившая; радуйся, Троицы таинники просвещающая.

Радуйся, мучителя безчеловечнаго изметающая от начальства; радуйся, Господа Человеколюбца показавшая Христа.

Радуйся, варварскаго избавляющая служения; радуйся, тимения изымающая дел.

Радуйся, огня поклонение угасившая; радуйся, пламене страстей изменяющая.

Радуйся, верных наставнице целомудрия; радуйся, всех родов веселие.

Радуйся, Невесто Неневестная.

Проповедницы богоноснии бывше волсви, возвратишася в Вавилон, скончавше Твое пророчество и проповедавше Тя Христа всем, оставиша Ирода, яко буесловна, не ведуща пети: Аллилуиа.

Возсиявый во Египте просвещение истины, отгнал еси лжи тьму; идоли бо его, Спасе, не терпяще Твоея крепости, падоша, сих же избавльшися вопияху к Богородице:

Радуйся, исправление человеков; радуйся, низпадение бесов.

Радуйся, прелести державу поправшая; радуйся, идольскую лесть обличившая.

Радуйся, море, потопившее фараона мысленнаго; радуйся, каменю, напоивший жаждущия жизни.

Радуйся, огненный столпе, наставляяй сущия во тьме; радуйся, покрове миру, ширший облака.

Радуйся, пище, манны приемнице; радуйся, сладости святыя служительнице.

Радуйся, земле обетования; радуйся, из неяже течет мед и млеко.

Радуйся, Невесто Неневестная.

Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.

Новую показа тварь, явлься Зиждитель нам, от Него бывшим, из безсеменныя прозяб утробы и сохранив Ю, якоже бе, нетленну, да чудо ведяще, воспоим Ю, вопиюще:

Радуйся, цвете нетления; радуйся, венче воздержания.

Радуйся, воскресения образ облистающая; радуйся, ангельское житие являющая.

Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози.

Радуйся, во чреве носящая Избавителя плененным; радуйся, рождшая Наставника заблуждшим.

Радуйся, Судии праведнаго умоление; радуйся, многих согрешений прощение.

Радуйся, одеждо нагих дерзновения; радуйся, любы, всякое желание побеждающая.

Радуйся, Невесто Неневестная.

Странное рождество видевше, устранимся мира, ум на Небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.

Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия:

Радуйся, Бога невместимаго вместилище; радуйся, честнаго таинства двери.

Радуйся, неверных сумнительное слышание; радуйся, верных известная похвало.

Радуйся, колеснице пресвятая Сущаго на Херувимех; радуйся, селение преславное Сущаго на Серафимех.

Радуйся, противная в тожде собравшая; радуйся, девство и рождество сочетавшая.

Радуйся, Еюже разрешися преступление; радуйся, Еюже отверзеся рай.

Радуйся, ключу Царствия Христова; радуйся, надеждо благ вечных.

Радуйся, Невесто Неневестная.

Всякое естество ангельское удивися великому Твоего вочеловечения делу: неприступнаго бо, яко Бога, зряще всем приступнаго Человека, нам убо спребывающа, слышаща же от всех: Аллилуиа.

Вития многовещанныя, яко рыбы, безгласныя видим о Тебе, Богородице: недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием:

Радуйся, премудрости Божия приятелище; радуйся, промышления Его сокровище.

Радуйся, любомудрыя немудрыя являющая; радуйся, хитрословесныя безсловесныя обличающая.

Радуйся, яко обуяша лютии взыскателе; радуйся, яко увядоша баснотворцы.

Радуйся, афинейская плетения растерзающая; радуйся, рыбарския мрежи исполняющая.

Радуйся, из глубины неведения извлачающая; радуйся, многи в разуме просвещающая.

Радуйся, кораблю хотящих спастися; радуйся, пристанище житейских плаваний.

Радуйся, Невесто Неневестная.

Спасти хотя мир, Иже всех Украситель, к сему самообетован прииде, и Пастырь сый, яко Бог, нас ради явися по нам человек: подобным бо подобное призвав, яко Бог слышит: Аллилуиа.

Стена еси девам, Богородице Дево, и всем, к Тебе прибегающим: ибо Небесе и земли Творец устрои Тя, Пречистая, вселься во утробе Твоей, и вся приглашати Тебе научи:

Радуйся, столпе девства; радуйся, дверь спасения.

Радуйся, начальнице мысленнаго наздания; радуйся, подательнице Божественныя благости.

Радуйся, Ты бо обновила еси зачатыя студно; радуйся, Ты бо наказала еси окраденныя умом.

Радуйся, тлителя смыслов упраждняющая; радуйся, Сеятеля чистоты рождшая.

Радуйся, Чертоже безсеменнаго уневещения; радуйся, верных Господеви сочетавшая.

Радуйся, добрая младопитательнице девам; радуйся, невестокрасительнице душ святых.

Радуйся, Невесто Неневестная.

Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Царю Святый, ничтоже совершаем достойно, яже дал еси нам, Тебе вопиющим: Аллилуиа.

Светоприемную свещу, сущим во тьме явльшуюся, зрим Святую Деву, невещественный бо вжигающи Огнь, наставляет к разуму Божественному вся, зарею ум просвещающая, званием же почитаемая сими:

Радуйся, луче умнаго Солнца; радуйся, светило незаходимаго Света.

Радуйся, молние, души просвещающая; радуйся, яко гром враги устрашающая.

Радуйся, яко многосветлое возсияваеши просвещение; радуйся, яко многотекущую источаеши реку.

Радуйся, купели живописующая образ; радуйся, греховную отъемлющая скверну.

Радуйся, бане, омывающая совесть; радуйся, чаше, черплющая радость.

Радуйся, обоняние Христова благоухания; радуйся, животе тайнаго веселия.

Радуйся, Невесто Неневестная.

Благодать дати восхотев долгов древних, всех долгов Решитель человеком, прииде Собою ко отшедшим Того благодати и, раздрав рукописание, слышит от всех сице: Аллилуиа.

Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех:

Радуйся, селение Бога и Слова; радуйся, святая святых большая.

Радуйся, ковчеже, позлащенный Духом; радуйся, сокровище живота неистощимое.

Радуйся, честный венче царей благочестивых; радуйся, честная похвало иереев благоговейных.

Радуйся, Церкве непоколебимый столпе; радуйся, Царствия нерушимая стено.

Радуйся, Еюже воздвижутся победы; радуйся, Еюже низпадают врази.

Радуйся, тела моего врачевание; радуйся, души моея спасение.

Радуйся, Невесто Неневестная.

О Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех и будущия изми муки о Тебе вопиющих: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Взбранной Водеводе…».

Молитва

О, Пресвятая Госпоже Владычице Богородице, вышши еси всех Ангел и Архангел и всея твари честнейши, Помощнице еси обидимых, ненадеющихся надеяние, убогих Заступнице, печальных утешение, алчущих Кормительнице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносные язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем и с Пресвятым, и Благим, и Животворящим Его Духом, ныне и присно, и во веки веков. Аминь.

ПОСЛЕДОВАНИЕ МОЛЕБНАГО ПЕНИЯ С АКАФИСТОМ

Диакон: Благослови владыко.
Иерей: Благословен Бог наш всегда, ныне и присно, и во веки веков.
Лик: Аминь. Царю Небесный:
Таже чтец: Трисвятое по Отче наш: Возглас: Яко Твое есть Царство, и сила и слава, Отца, и Сына, и Святаго Духа, и ныне и присно, и во веки веков.
Чтец: Аминь. Господи, помилуй, 12.
Слава, и ныне:
Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.
Псалом 142:
Господи, услыши молитву мою, внуши моление мое во истине Твоей:
Слава, и ныне: Аллилуиа, трижды.
Ектения великая: Миром Господу помолимся:
Возглас: Яко подобает Тебе всякая слава:
По гласу тропаря.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко Благ, яко в век милость Его.
Стих 2: Обышедше обыдоша мя, и именем Господним противляхея им.
Стих 3: Не умру, но жив буду, и повем дела Господня.
Стих 4: Камень, егоже небрегоша зиждущий, сей бысть во главу угла: от Господа бысть сей, и есть дивен во очесех наших.
Таже тропарь, дважды:
Слава, и ныне: Богородичен его.
Таже псалом 50-ый.
Посем без ирмосов 1 и 3 песни канона, егоже припевы:
Иисусе Сладчайший, спаси нас,
Или: Пресвятая Богородице, спаси нас,
Или: коему-либо святому.
Поем же киижду песнь сице:
Иерей и диакон: Припев
Лик: Припев
Иерей и диакон: Слава:
Лик: И ныне:
По 3-й песни поем:
Спасителю: Избави от бед/ рабы Твоя, Многомилостиве,/ яко мы усердно/ к Тебе прибегаем,/ милостивому Избавителю, всех Владыце, Господу Иисусу.
Богородице: Спаси от бед/ рабы Твоя, Богородице,/ яко вси по Бозе/ к Тебе прибегаем,/ яко Нерушимей Стене и Предстательству.
Призри благосердием,/ Всепетая Богородице,/ на мое лютое/ телесе озлобление,/ и исцели души моея болезнь.
Святому: Моли Бога о нас, имярек,/ яко мы усердно/ к тебе прибегаем,/ скорому помощнику и молитвеннику о душах наших.
Таже ектениа: Помилуй нас, Боже, по велицей милости Твоей, молим Ти ся, услыши и помилуй.
Еще молимся о Великом Господине и отце нашем Святейшем Патриархе Кирилле и о Господине нашем Высокопреосвященнейшем митрополите (архиепископе, или Преосвященнейшем епископе) имярек, и о всей во Христе братии нашей.
Еще молимся за всю братию и за вся христианы.
Возглас: Яко Милостив и Человеколюбец Бог еси и Тебе славу возсылаем Отцу и Сыну и Святому Духу, ныне и присно и во веки веков.
Лик: Аминь.
Также 4, 5 и 6 песни канона.
По 6-й песни: поем, якоже и по 3-й песни.
Таже ектениа: Паки и паки миром Господу помолимся.
Заступи, спаси, помилуй, и сохрани нас, Боже, Твоею благодатию.
Пресвятую, Пречистую, Преблагословенную, славную Владычицу нашу Богородицу, и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
Возглас: Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков.
Лик: Аминь.
Таже лик поет кондак 1-й акафиста Спасителю или Богородице или святому. По прочтении 12 кондаков и икосов иерей чтет кондак 13-й трижды. Таже икос 1-й и кондак 1-й.
Диакон: Вонмем, премудрость, вонмем. Прокимен .
Лик поет прокимен.
Диакон: Господу, помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцы и Сыну и Святому Духу, ныне и присно и во веки веков.
Лик: Аминь.
Диакон и лик: Всякое дыхание да хвалит Господа:
Диакон: И о сподобитися нам слышанию святаго евангелиа, Господа Бога молим.
Лик: Господи, помилуй (трижды).
Диакон: Премудрость, прости, услышим святаго евангелиа.
Иерей: Мир всем.
Лик: И духови твоему.
Иерей: От имярек святаго евангелиа чтение.
Лик: Слава Тебе, Господи, слава Тебе.
Диакон: Вонмем.
И чтет иерей прилучившееся евангелие.
Посем поются песни 7, 8 и 9.
Таже: Достойно есть: Трисвятое, по Отче наш: и тропари.
По тропарех, ектениа:
Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (трижды).
Еще молимся о Великом Господине и отце нашем Святейшем Патриархе Кирилле и о господине нашем Высокопреосвященнейшем митрополите (архиепископе или Преосвященнейшем епископе) имярек, и о всей во Христе братии нашей.
Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Еще молимся о милости, жизни, мире, здравии, спасении, посещении, прощении и оставлении грехов рабов Божиих (имярек).
Еще молимся за всю братию, и за вся христианы.
Возглас: Услыши ны, Боже Спасителю наш, упование всех концов земли и сущих в море далече: и милостив, милостив буди, Владыко, о гресех наших и помилуй ны. Милостив бо и человеколюбец, Бог еси, и Тебе славу воссылаем, Отцу и Сыну, и Святому Духу, ныне и присно и во веки веков.
Лик: Аминь.
По ектении иерей чтет молитву. Посем поется величание.
Диакон: Премудрость:
Иерей: Пресвятая Богородице, спаси нас.
Лик: Честнейшую Херувим:
Иерей: Слава Тебе, Христе Боже, Упование наше, слава Тебе.
Лик: Слава, и ныне: Господи, помилуй, (трижды) Благослови.
Иерей отпуст:
Христос истинный Бог наш, молитвами Пречистыя Своея Матере, преподобных и богоносных отец наших, , и всех святых, помилует и спасет нас, яко Благ и Человеколюбец.
Лик: Аминь.

Закладка Постоянная ссылка.

Добавить комментарий

Ваш адрес email не будет опубликован. Обязательные поля помечены *